വെണ്മേഘങ്ങളുടെ നേർച്ചയിൽ നിന്നെന്തു ശേഷിക്കും?
-എൽഡർബറിയുടെ ഒരു പൂവ്
നീലത്തിരയുടെ തൂവാനത്തിൽ നിന്നെന്തു ശേഷിക്കും?
-കാലത്തിന്റെ മൂർച്ഛന
ഒരു ഹരിതചിന്തയുടെ രക്തസ്രാവത്തിൽ നിന്നെന്തു ശേഷിക്കും?
-ദേവതാരത്തിന്റെ ഞരമ്പുകളിലോടുന്ന ജലം
പ്രണയത്തിന്റെ കണ്ണീരിൽ നിന്നെന്തു ശേഷിക്കും?
-വയലറ്റു നിറത്തിലൊരു പാട്
സത്യാന്വേഷണത്തിന്റെ മൺപൊടിയിൽ നിന്നെന്തു ശേഷിക്കും?
-ശ്രദ്ധയുടെ പാത
അജ്ഞാതത്തിലേക്കുള്ള മഹാപ്രസ്ഥാനത്തിൽ നിന്നെന്തു ശേഷിക്കും?
-സഞ്ചാരി കുതിരയുടെ കാതിൽ മൂളിയ ഗാനം
സ്വപ്നമെന്ന മരീചികയിൽ നിന്നെന്തു ശേഷിക്കും?
-വയലിൻ കമ്പികളിൽ ആകാശത്തിന്റെ വിരല്പാടുകൾ
ഉള്ളതില്ലാത്തതിനെ കണ്ടതിൽ നിന്നെന്തു ശേഷിക്കും?
-ദിവ്യമായൊരു രക്ഷാബോധം
അറബിക്കവിയുടെ വചനത്തിൽ നിന്നെന്തു ശേഷിക്കും?
-ഒരു ഗർത്തം...ഒരു പുകവള്ളിയും
നിങ്ങളുടെ സ്വന്തം വാക്കുകളിൽ നിന്നെന്തു ശേഷിക്കും?
-എവിടെയെന്നതു മറക്കണമെന്ന അനിവാര്യമായ ഓർമ്മപ്പെടുത്തൽ!
No comments:
Post a Comment