കാഫ്കയുടെ ജീവിതരേഖ

  

1883           ജൂലൈ 3ന്‌ ചെക്കോസ്ലൊവാക്യയുടെ തലസ്ഥാനമായ പ്രാഗിൽ ജനനം; അച്ഛൻ ഹെർമ്മൻ  കാഫ്ക, അമ്മ ജൂലി ലോവി.

1885           സഹോദരൻ ജോർജ്ജിന്റെ ജനനം; പതിനഞ്ചാം മാസത്തിൽ മരിച്ചു.

1887           സഹോദരൻ ഹെയിൻറിച്ചിന്റെ ജനനം; ആറാം മാസത്തിൽ മരിച്ചു.

1889           സഹോദരി ഗബ്രിയേലെ(എല്ലി)യുടെ ജനനം (മരണം 1941)

1890           സഹോദരി വലേറി(വല്ലി)യുടെ ജനനം (മരണം 1942)

1892           സഹോദരി ഓട്ട്ലി(ഓട്ട്ല)യുടെ ജനനം (മരണം 1943)

1893-1901    പ്രാഥമികവിദ്യാലയം

1901           പ്രാഗിലെ ചാൾസ് യൂണിവേഴ്സിറ്റിയിൽ നിയമപഠനം

മാക്സ് ബ്രോഡ്

1902           മാക്സ് ബ്രോഡിനെ പരിചയപ്പെടുന്നു

1903           “കുട്ടിയും നഗരവും” എന്ന നോവൽ എഴുതുന്നു (ഇതു നഷ്ടപ്പെട്ടു)

1904-05        “ഒരു സമരത്തിന്റെ വിവരണം” എഴുതുന്നു

1906             നിയമത്തിൽ ഡോക്ടറേറ്റ്; പ്രാഗിലെ കോടതികളിൽ ഒരു കൊല്ലത്തെ പരിശീലനം തുടങ്ങുന്നു.

1907             “നാട്ടുമ്പുറത്തെ വിവാഹത്തിനുള്ള ഒരുക്കങ്ങൾ” എഴുതുന്നു
                    ആഗസ്റ്റ്: മൊറേവിയയിൽ അവധിക്കാലം; ഹെഡ്‌വിഗ് വെയ്‌ലറുമായുള്ള സൌഹൃദം.
                    ഒക്ടോബർ: അസ്സികുറാസിയോണി ജനെറാലി എന്ന ഇൻഷുറൻസ് കമ്പനിയിൽ ജോലിക്കു ചേരുന്നു.

1908             സർക്കാർ ഉടമസ്ഥതയിലുള്ള വർക്കേഴ്സ് ആക്സിഡന്റ് ഇൻഷുറൻസ് കമ്പനിയിൽ ജോലി തുടങ്ങുന്നു.
                    മാർച്ച്: മ്യൂണിച്ചിൽ നിന്നുള്ള ഹൈപ്പീരിയൺ എന്ന മാസികയിൽ എട്ടു ഗദ്യരചനകൾ പ്രസിദ്ധീകരിക്കുന്നു; ഇവ പിന്നീട് “നിരീക്ഷണങ്ങൾ” എന്ന പുസ്തകത്തിൽ ഉൾപ്പെടുത്തുന്നുണ്ട്.

1909            മാക്സ് ബ്രോഡും ഓട്ടോ ബ്രോഡുമൊപ്പം റീവയിൽ അവധിക്കാലം; അവിടെ കണ്ട വിമാനങ്ങളുടെ പ്രദർശനത്തിൽ നിന്ന് “ബ്രേസിയായിലെ വിമാനങ്ങൾ” എഴുതുന്നു.

1910             ഡയറി എഴുതിത്തുടങ്ങുന്നു.
                     മാർച്ച്: ബൊഹീമിയ മാസികയിൽ അഞ്ചു രചനകളുടെ പ്രസിദ്ധീകരണം
                     ഒക്ടോബർ: മാക്സ് ബ്രോഡിനൊപ്പം പാരീസ് യാത്ര.
                     ഡിസംബർ: ബർലിൻ യാത്ര

1911            യിദ്ദിഷ് നാടകാവതരണങ്ങളിൽ സ്ഥിരസാന്നിദ്ധ്യമാവുന്നു; ഇസാക്ക് ലോവി എന്ന നടനുമായി സൌഹൃദം.

ഫെലിസിനൊപ്പം

1912            ജൂൺ-ജൂലൈ: മാക്സ് ബ്രോഡിനൊപ്പം വെയ്മർ സന്ദർശനം.പിന്നെ മൂന്നാഴ്ച ഒറ്റയ്ക്ക് ഹർസ് മലയിലെ ഒരു സാനിറ്റോറിയത്തിൽ. “കാണാതെ പോയവൻ(അമേരിക്ക)” എന്ന നോവൽ എഴുതിത്തുടങ്ങുന്നു.
                   ആഗസ്റ്റ് 13: ഫെലിസ് ബോവറിനെ കണ്ടുമുട്ടുന്നു.
                   സെപ്തംബർ 22-23: ഒറ്റ രാത്രി കൊണ്ട് “വിധിന്യായം” എന്ന കഥ എഴുതുന്നു.
                   നവംബർ-ഡിസംബർ: “രൂപാന്തരം” എഴുതിത്തുടങ്ങുന്നു. ഡിസംബറിൽ ലീപ്സിഗിൽ നിന്ന് “നിരീക്ഷണങ്ങൾ” എന്ന ആദ്യത്തെ പുസ്തകം പ്രസിദ്ധീകരിക്കുന്നു.

1913           മേയ്: “കാണാതെ പോയവൻ” എന്ന നോവലിന്റെ ആദ്യത്തെ അദ്ധ്യായമായ “സ്റ്റോക്കർ” പ്രസിദ്ധീകരിക്കുന്നു.
                   ജൂൺ: അർക്കേഡിയയിൽ “വിധിന്യായം” പ്രസിദ്ധീകരിക്കുന്നു.
                   സെപ്തംബർ: വിയന്നയിൽ അപകടങ്ങൾ തടയുന്നതിനെക്കുറിച്ചുള്ള ഒരു കോൺഫെറൻസിൽ സംബന്ധിക്കുന്നു; ഒപ്പം പതിനൊന്നാമത് സിയോണിസ്റ്റ് കോൺഗ്രസ്സിലും.
                   നവംബർ 8-9: ഫെലിസിനൊപ്പം ബർലിനിൽ.

1914           ജൂൺ 1: ബെർലിനിൽ വച്ച് ഫെലിസുമായുള്ള വിവാഹനിശ്ചയം.
                   ജൂലൈ12: വിവാഹത്തിൽ നിന്നു പിന്മാറുന്നു.
                   ആഗസ്റ്റ്:“വിചാരണ” എഴുതിത്തുടങ്ങുന്നു.
                   ഒക്റ്റോബർ:“പീനൽ കോളണിയിൽ.” ഫെലിസുമായുള്ള കത്തിടപാടു പുനരാരംഭിക്കുന്നു.

രൂപാന്തരം കവര്‍

1915           ജനുവരി: “ബ്ളംഫെൽഡ്, പ്രായം ചെന്ന ഒരവിവാഹിതൻ” എഴുതുന്നു.
                   ഒക്റ്റോബർ: ഫൊണ്ടെയിൻ പ്രൈസ് നേടിയ കാൾ സ്റ്റേൺഹെയ്ം എന്ന നാടകകൃത്ത് സമ്മാനത്തുക കാഫ്കയ്ക്കു നല്കുന്നു.
                   നവംബർ: “രൂപാന്തരം” പുസ്തകരൂപത്തിൽ പ്രസിദ്ധീകരിക്കുന്നു.

1916           ഏപ്രിൽ: റോബർട്ട് മ്യൂസിൽ പ്രാഗിൽ ചെന്ന് കാഫ്കയെ കാണുന്നു.
                   ജൂലൈ: ഫെലിസിനൊപ്പം മരിയൻബാദിൽ
                   ഒക്റ്റോബർ: “വിധിന്യായം” പുസ്തകരൂപത്തിൽ
                   നവംബർ: “നാട്ടുമ്പുറത്തെ ഡോക്ടർ” എന്ന സമാഹാരത്തിലെ കഥകൾ എഴുതിത്തുടങ്ങുന്നു.

1917           ഏപ്രിൽ: ഹീബ്രു പഠിക്കാൻ തുടങ്ങുന്നു.    
                   ജൂലൈ: ഫെലിസുമായി രണ്ടാമത്തെ വിവാഹനിശ്ചയം;
                   ആഗസ്റ്റ്9-10: രക്തം ഛർദ്ദിച്ചതിനെ തുടർന്നുള്ള പരിശോധനയിൽ  ക്ഷയമാണെന്നു സ്ഥിരീകരിക്കുന്നു.
                   സെപ്തംബർ: മൂന്നു മാസത്തെ അവധിയെടുത്ത് ഓട്ട്ലയോടൊപ്പം സുറാവു വിൽ
                   ഒക്റ്റോബർ: “അറബികളും കുറുനരികളും” പ്രസിദ്ധീകരിക്കുന്നു.
                   നവംബർ: “അക്കാദമി മുമ്പാകെ ഒരു റിപ്പോർട്ട്” പ്രസിദ്ധീകരിക്കുന്നു.
                   ഡിസംബർ: പ്രാഗിൽ വച്ച് ഫെലിസിനെ കാണുന്നു; രണ്ടാമത്തെ വിവാഹനിശ്ചയത്തിൽ നിന്നും പിന്മാറുന്നു.

1918           മാർച്ച്: ജോലിയിൽ തിരിയെ പ്രവേശിക്കുന്നു; നവംബറിൽ വീണ്ടും അവധിയെടുക്കുന്നു.

1919           വീണ്ടും പ്രാഗിൽ; ജൂലിയുമായി വിവാഹനിശ്ചയം; “നാട്ടുമ്പുറത്തെ ഡോക്ടർ” പ്രസിദ്ധീകരിക്കുന്നു.   
                   നവംബർ: “എത്രയും പ്രിയപ്പെട്ട അച്ഛന്‌” എഴുതുന്നു.

മിലേന

1920           തന്റെ കൃതികളുടെ ചെക്ക് വിവർത്തകയായ മിലേന ജസെൻസ്കയുമായി കത്തിടപാടു തുടങ്ങുന്നു.
                   ജൂലൈ: ജൂലിയുമായുള്ള വിവാഹനിശ്ചയത്തിൽ നിന്നു പിന്മാറുന്നു.
                   ആഗസ്റ്റ്: മൂന്നു കൊല്ലത്തോളമായി മുടങ്ങിക്കിടന്ന സാഹിത്യരചന പുനരാരംഭിക്കുന്നു.
                   ഡിസംബർ: അവധിയെടുത്ത് മറ്റ്ലിയാറി സാനിറ്റോറിയത്തിൽ; 1921 ആഗസ്റ്റ് വരെ അവിടെ.

1921           സെപ്തംബർ: വീണ്ടും ജോലിയിൽ; ആരോഗ്യം മോശമായതിനാൽ ഒക്ടോബർ മുതൽ മൂന്നു മാസത്തെ അവധിയെടുക്കുന്നു.
                   ഒക്ടോബർ: മിലേന പ്രാഗിൽ; കാഫ്ക തന്റെ ഡയറി അവർക്കു നല്കുന്നു.

1922           ജനുവരി: മിലേനയുമായുള്ള ബന്ധത്തിൽ നിന്നു പിന്മാറാൻ ശ്രമം. “ദുർഗ്ഗം” എഴുതിത്തുടങ്ങുന്നു.
                   ജൂലൈ: പെൻഷനോടെ ജോലിയിൽ നിന്നു വിരമിക്കുന്നു.

ഡോറ

1923           ജനുവരി-ഏപ്രിൽ: മിക്കവാറും കിടക്കയിൽ; ഹീബ്രു പഠിക്കുന്നു.
                   ജൂൺ: മിലേനയെ അവസാനമായി കാണുന്നു.
                   ജൂലൈ: ഡോറ ഡയമന്റിനെ കാണുന്നു.
                   സെപ്തംബർ: ബർലിനിൽ ഡോറയോടൊപ്പം താമസം തുടങ്ങുന്നു.

1924          മാർച്ച്: പ്രാഗിലേക്കു മടങ്ങുന്നു; “ജോസഫൈൻ എന്ന ഗായിക” എഴുതുന്നു; ശ്വാസനാളത്തിന്റെ മേൽഭാഗത്തേക്ക് രോഗം വ്യാപിക്കുന്നു.
                 ഏപ്രിൽ: ഡോറയോടൊപ്പം വിയന്നയ്ക്കു പുറത്തുള്ള ഒരു സാനിറ്റോറിയത്തിൽ.
                 മേയ്: “ഒരു നിരാഹാരയജ്ഞക്കാര”ന്റെ പ്രൂഫ് നോക്കുന്നു.
                 ജൂൺ 3: മരണം.

1925        “വിചാരണ” മാക്സ് ബ്രോഡ് എഡിറ്റു ചെയ്തു പ്രസിദ്ധീകരിക്കുന്നു.

1926        “ദുർഗ്ഗം” മാക്സ് ബ്രോഡ് എഡിറ്റു ചെയ്ത് പ്രസിദ്ധീകരിക്കുന്നു.

1927        “കാണാതെ പോയവൻ” എന്ന നോവൽ “അമേരിക്ക” എന്ന പേരിൽ മാക്സ് ബ്രോഡ് എഡിറ്റു ചെയ്തു പ്രസിദ്ധീകരിക്കുന്നു.