വിണ്ടുകീറിയ മേഘങ്ങൾ,
മഴവില്ലു തിളങ്ങുന്ന മാനം,
വെയിലും മഴയും നെയ്ത പുതപ്പിൽ
ചുരുണ്ടുകൂടിയ പാടങ്ങൾ.
ഞാനുണർന്നു.
എന്റെ സ്വപ്നത്തിന്റെ ഇന്ദ്രജാലജാലകങ്ങൾ
പടുതയിട്ടു മറയ്ക്കുന്നതാരോ?
എന്റെ ഹൃദയം ചകിതമായി മിടിച്ചു.
പൂവിടുന്ന നാരകത്തോപ്പുകൾ,
വരിയിട്ടുനിന്ന സൈപ്രസ് മരങ്ങൾ,
പച്ചപ്പാടം, ഈർപ്പം, വെയിൽ, മഴവിൽ...
നിന്റെ മുടിയിലിറ്റുന്ന മഴത്തുള്ളികൾ!...
ഓർമ്മയിൽ നിന്നെല്ലാം കൈവിട്ടു പോകുന്നു,
കാറ്റത്തു പാറുന്ന സോപ്പുകുമിള പോലെ.
No comments:
Post a Comment