ദിവ്യാത്ഭുതങ്ങളിലൊരു വിശ്വാസവുമെനിക്കില്ല,
എന്നാലിങ്ങനെയൊരഭിലാഷം
മനസ്സിൽ കൊണ്ടുനടക്കുന്നുമുണ്ടു ഞാൻ:
മരണമെന്നെക്കൊണ്ടുപൊയ്ക്കഴിഞ്ഞാൽ,
ഒരിക്കൽ, ഒരിക്കൽ മാത്രമതെന്നെയനുവദിക്കണം,
കുഴിമാടത്തിൽ നിന്നെന്റെ ലോകത്തേക്കൊന്നു മടങ്ങാൻ,
നിന്റെ വാതിലിൽ മുട്ടിക്കൊണ്ടുറക്കെപ്പറയാൻ:
നിന്നെയാശ്വസിപ്പിക്കാനൊരാളു വേണമോ,
ഞാനിതാ, വന്നിരിക്കുന്നു.
ഇനിയല്ല, അങ്ങനെയൊരാൾ നിനക്കു വേണ്ടെന്നാണെങ്കിൽ,
മറ്റേ ലോകത്തേക്കു ഞാൻ മടങ്ങിപ്പൊയ്ക്കോളാം.
No comments:
Post a Comment