ഫൈസ് അഹമ്മദ് ഫൈസ് - പറയാതെ പോയത്

---

അത്രയേറെ സമാഗമങ്ങൾക്കു ശേഷവും
എത്രയുമപരിചിതരായിരുന്നു നാം,
ഇനിയെത്ര സമാഗമങ്ങൾ കഴിയണം
നമുക്കന്യോന്യമൊന്നു പരിചയമാവാൻ?
ഇനിയെന്നെങ്കിലും നാം കാണുമോ,
ഇലകൾ മഞ്ഞളിക്കാത്തൊരു വയൽപ്പച്ച?
ഇനിയെത്ര മഴ പെയ്താലാകുമോ,
ചോരക്കറകളാകെക്കഴുകിപ്പോകാൻ?
ആ നിമിഷങ്ങളെത്ര ദയാഹീനമായിരുന്നു,
പ്രണയവേദനയ്ക്കു സാക്ഷികളായവ?
പ്രണയരാത്രികൾക്കു ശേഷം പുലർന്നവയോ,
ചുട്ടുപൊള്ളുന്ന പകലുകളുമായിരുന്നു.
ഇത്രയൊക്കെപ്പറഞ്ഞതില്പിന്നെയും, ഫൈസ്,
പറയേണ്ടതൊന്നു നീ പറയാതെയും പോയി.

---