എവിടെ, നമ്മുടെ പ്രണയഭാജനങ്ങൾ?
കുഴിമാടങ്ങളിലാണവർ.
ഇതിലും ഭേദപ്പെട്ടൊരു ലോകത്ത്
സന്തോഷവതികളാണവർ!
നീലാകാശത്തിന്റെ കയങ്ങളിൽ
മാലാഖമാർക്കരികിലാണവർ;
ആലപിക്കുകയാണവർ,
ദേവമാതാവിന്റെ കീർത്തനങ്ങൾ!
നിർമ്മലയായ മണവാട്ടീ!
മുഖം വിടർന്ന കന്യകേ!
പരിത്യക്തയായ കാമുകീ,
ശോകം കൊണ്ടു വിളർത്തവളേ!
നിങ്ങളുടെ കണ്ണുകളിൽ മന്ദഹസിച്ചിരുന്നു,
അഗാധമായ നിത്യത...
ലോകം കുത്തിക്കെടുത്തിയ വെളിച്ചങ്ങൾ
സ്വർഗ്ഗത്തു വീണ്ടും തെളിയട്ടെ!
No comments:
Post a Comment