പ്രത്യാശയുടെ സഹോദരിമാരേ ധൈര്യവതികളായ സ്ത്രീകളേ
സ്നേഹത്തിന്റെ നന്മകളൊക്കെയുമൊരുമിച്ചുകൂട്ടി
മരണത്തിനെതിരേ നിങ്ങളൊരുടമ്പടിയുണ്ടാക്കി
വിജേതാക്കളായ എന്റെ സഹോദരിമാരേ
ജീവിതമതിജീവിക്കട്ടെയെന്നതിലേക്കായി
നിങ്ങൾ നിങ്ങളുടെ ജീവിതങ്ങൾ പണയപ്പെടുത്തുന്നു
ആ ദിനമാസന്നമായിരിക്കുന്നു മഹതികളായ എന്റെ സഹോദരിമാരേ
യുദ്ധം വേദന പോലുള്ള വാക്കുകളെ നോക്കി നാമന്നു ചിരിക്കും
ദുഃഖത്തിന്റേതായി യാതൊന്നുമന്നു ശേഷിക്കുകയുമില്ല
ഓരോ മുഖത്തിനുമുണ്ടാവും ഒരു ചുംബനം കിട്ടാനുള്ള അവകാശം
(1936)
No comments:
Post a Comment