ചാട്ടവാറുകൾക്കടിയിൽ ചുവക്കാനുള്ളവയാണു നിന്റെ മെലിഞ്ഞ ചുമലുകൾ,
ചാട്ടവാറുകൾക്കടിയിൽ ചുവക്കാൻ, കൊടുംമഞ്ഞിൽ പൊള്ളിവീർക്കാനും.
റെയിൽപാളങ്ങൾ എടുത്തുയർത്താനുള്ളവയാണു നിന്റെ കുഞ്ഞുകൈകൾ,
റെയിൽപാളങ്ങൾ എടുത്തുയർത്താനുള്ളവ, ചാക്കുകൾ തുന്നിക്കൂട്ടാനും.
കുപ്പിച്ചില്ലുകൾക്കു മേൽ നടക്കാനുള്ളവയാണു നിന്റെ മൃദുലപാദങ്ങൾ,
കുപ്പിച്ചില്ലുകൾക്കു മേൽ നടക്കാൻ, ചോര പുരണ്ട മണല്പാതകളിലും.
ഞാനോ, നിനക്കായി കൊളുത്തിയ ഒരു കറുത്ത മെഴുകുതിരി പോലെരിയാൻ,
പ്രാർത്ഥിക്കാൻ ധൈര്യമില്ലാത്ത ഒരു കറുത്ത മെഴുകുതിരി പോലെരിയാൻ.
ഫെബ്രുവരി 1934
(സ്റ്റാലിൻ ഭീകരതയുടെ നാളുകളിൽ എഴുതിയത്)
No comments:
Post a Comment