link to imageനിന്റെ കണ്ണുകളിലാണെന്റെ ജന്മദേശം,
നിന്റെ ചുണ്ടുകളിലാണെന്റെ ജന്മോദ്ദേശ്യം;
എന്നിൽ നിന്നെന്തും നിനക്കു ചോദിക്കാം,
നിന്നെപ്പിരിയണമെന്നു മാത്രം പറയരുതേ.
നിന്റെ കടലോരത്തു കപ്പൽ തകർന്നെത്തിയവൻ,
നിന്റെ മണല്പരപ്പിൽ തിരയെടുത്തെറിഞ്ഞവൻ,
സന്തുഷ്ടനായൊരു പന്നിയാണിന്നു ഞാൻ:
നിന്റേതാണു ഞാൻ: അതില്പരമൊന്നുമെനിക്കറിയില്ല.
നിന്റെ സൂര്യനാണെന്റെ ജന്മി;
നിന്റെ വളപ്പിൽ ഞാൻ കുടിയാൻ.
എന്റെ കീർത്തികൾ നിന്റെയാനന്ദങ്ങൾ,
എന്റെ കുടിയിടം നിനക്കു ജന്മാവകാശം.
സർസി - യുളീസസിന്റെ പടയാളികളെ പന്നികളാക്കി മാറ്റിയ മന്ത്രവാദിനി. അവരെ അവളുടെ വശീകരണത്തിൽ നിന്നു മോചിപ്പിച്ച യുളീസസ് പിന്നെ ഒരു കൊല്ലം അവൾക്കൊപ്പം കഴിയുകയുമുണ്ടായി.
No comments:
Post a Comment