എന്റെ മേൽവിലാസം
എവിടെ, നിന്നുടെ പുരയെൻ തോഴാ?
മലകൾക്കപ്പുറമാണേ, നീളും
പുഴകൾക്കപ്പൂറമാണേ;
പച്ചമുളങ്കാടകമേ ചൂരൽ-
വള്ളി പടുത്തൊരു പടിയുണ്ടേ;
മേലേ പാറും കിളിയുണ്ടവിടെ-
ച്ചെല്ലുക നീയെൻ തോഴാ.
അവിടെക്കേൾക്കാമന്റെ വിലാസം.
പ്രണയഗീതം -1
സുദീർഘമാമീ ശാരദരാവിൽ
പ്രേമാതുരമാമെൻ സ്വപ്നം
ഒരു ചീവീടായെന്നാലവനെന്നുടെ
പ്രിയയുടെ വീടിനകം പൂകും,
എന്നെ മറന്നൊരു നിദ്രയിൽ നിന്നവ-
നെൻകാമുകിയെ വീണ്ടുവരും.
പ്രണയഗീതം -2
സ്വപ്നങ്ങൾ വഴിനടക്കുമെങ്കിൽ
എന്റെ കാമുകിയുടെ കല്ലു പാകിയ വീട്ടുവഴി
ഇതിന്നകം തേഞ്ഞുപോയിരിക്കും.
സംശയം:
സ്വപ്നലോകത്തു പാതകൾ
തങ്ങിനിൽക്കുമോ?
1 comment:
Wonderful blog is a pleasure follow him!!!
Post a Comment