ജർമ്മൻ കവിതകൾ

ഹിൽഡെ ഡൊമിൻ-പ്രവാസി

മരിക്കുന്ന വായ
കോടുന്നു
ഒരന്യഭാഷയിലെ
വാക്കിന്റെ
ഉച്ചാരണം
കൃത്യമാക്കാനുള്ള
യത്നത്തിൽ.

(1964)


ഹാൻസ്‌ വെർണർ കോൺ- ഉറക്കം

ഉറക്കം:
ഇരുളടഞ്ഞ
ഇടനാഴികളിലേക്കുള്ള
പിന്മടക്കം.

സ്വപ്നത്തിന്റെ കണ്ണാടിയിൽ നിന്നു
പൊടുന്നനേ പുറത്തായ
നിങ്ങൾ
നിങ്ങളുമായി
കൂട്ടിയിടിക്കുന്നു

അതിന്റെ ആഘാതം
നിങ്ങളെ
ഉണർത്തുകയും ചെയ്യുന്നു.

(1964)


images from wikimedia commons