ലോർക്ക - നിറങ്ങൾ

 

ചന്ദ്രനു നിറം
പാരീസിനു മേൽ വയലറ്റ്,
മൃതനഗരങ്ങൾക്കു മേൽ
മഞ്ഞ. 

ഒരു ഹരിതചന്ദ്രനുണ്ട്,

ഇതിഹാസങ്ങളിലെ ചന്ദ്രൻ,
വലനടുവിൽ ചിലന്തി പോലെ
ഒരു ചന്ദ്രനുണ്ട്,
ഉടഞ്ഞ വർണ്ണച്ചില്ലു പോലെ
ഒരു ചന്ദ്രനുണ്ട്,
മരുപ്പറമ്പുകൾക്കു മേൽ
കട്ടച്ചോര പോലെ ഒരു ചന്ദ്രനും. 

പക്ഷേ വെളുത്ത ചന്ദ്രൻ,
യഥാർത്ഥചന്ദ്രൻ,
അതു തിളങ്ങുന്നത്
ഉൾനാടൻ ശവപ്പറമ്പുകളിലെ
മൂകതയ്ക്കു മേൽ.