ടാഗോർ - അവരും നീയും

എനിക്കടുത്തിരിക്കുന്നവരറിയുന്നില്ല,
അവരിലുമടുത്താണെനിക്കു നീയെന്ന്;
എന്നോടു മിണ്ടുന്നവരറിയുന്നില്ല,
നീ പറയാത്ത വാക്കുകൾ കൊണ്ടു നിറഞ്ഞതാണെന്റെ ഹൃദയമെന്ന്;
എന്റെ വഴിയിൽ തിക്കിത്തിരക്കുന്നവരറിയുന്നില്ല,
നിന്നോടൊത്തൊറ്റയ്ക്കു നടക്കുകയാണു ഞാനെന്ന്;
എന്നെ സ്നേഹിക്കുന്നവരറിയുന്നില്ല,
നിന്നെയെന്നിലേക്കു വരുത്തുകയാണവരുടെ സ്നേഹമെന്ന്.