റുബേൻ ദാരിയോ-രൂപകങ്ങളുടെ ദേശത്ത്‌

 

 

രൂപകങ്ങളുടെ ദേശത്ത്‌
നൃത്തം വയ്ക്കുന്നു ശലോമി,
ഹെറോദിയാസിന്റെ സവിധത്തിൽ
നിത്യം നൃത്തം വയ്ക്കുകയാണവൾ.
സിംഹങ്ങളെ വിറപ്പിച്ചവൻ
സ്നാപകൻ യോഹന്നാൻ
ആഞ്ഞുവെട്ടുന്ന മഴുത്തലയിൽ
ശിരസ്സറ്റു വീഴുന്നവന്‍.
ചോര കുത്തിയൊലിക്കുന്നു.
രതിയുടെ രോജാപ്പൂ വിടരുമ്പോൾ
അതു ചുരത്തുന്ന കാമത്തിൽ
അതിന്നാത്മീയരഹസ്യത്തിൽ
സകലം ചഞ്ചലിക്കുന്നതീവിധം.

(1905)

 

Drawing:Beardsley-Die Apotheose-Illsustration for Salome by Oscar Wilde in the Studio Vol.1 Nr.1 1893