വിട,വാസന്തപുഷ്പങ്ങൾക്ക്‌!
വിട,തെളിനീർച്ചോലകൾക്ക്‌!
വിട,കാടിന്നാഴപ്പച്ചയ്ക്ക്‌,
വിടരുന്ന പുതുമണങ്ങൾക്കും.
വിട നിനക്കും,ഒപ്പം നിന്ന ഹൃദയമേ...
അത്ര മനോജ്ഞമായ ഋതുക്കളിൽ
അത്ര നല്ലതൊക്കെ രുചിച്ചു നാം
ഒരുമിച്ചാനന്ദിച്ചതാണല്ലോ.
വിട, ഇരുളുന്ന പാതയിൽ വച്ച്‌
എന്റെ ജീവിതം കൈയ്യേറിയ
പൊറുതികെട്ട കാലത്തിനും.
അറിയാത്തതിൻ മുന്നിൽ
ഞാൻ ഞാനായി നഗ്നനായി
വിറകൊണ്ടുനിൽക്കെ പ്രാർത്ഥിക്കുന്നേൻ:
വിധി കടുപ്പം കാട്ടരുതേ,
ഗ്രഹിച്ചോളാം ഞാൻ മുന്നിൽ കാണ്മതിനെ!
(1910)
2 comments:
nice
മൊഴിമാറ്റം നന്നായിട്ടുണ്ട്.
ഒപ്പം ഈ കക്ഷി കൊള്ളാം കെട്ടോ, റൂബെൻ ദാരിയോ.ആശാൻ
ശരിക്കും, കസറിയിട്ടുണ്ട്.
Post a Comment