പുല്പരപ്പിൽ നീണ്ടുനിവർന്ന്
ഒരാൺകുട്ടിയും ഒരു പെൺകുട്ടിയും.
അവരോറഞ്ചുകളൂറിക്കുടിക്കുന്നു, ചുംബിക്കുന്നു
നുര കൈമാറുന്ന തിരകളെപ്പോലെ.
കടലോരത്തു നീണ്ടുനിവർന്ന്
ഒരാൺകുട്ടിയും ഒരു പെൺകുട്ടിയും.
അവർ നാരങ്ങകളൂറിക്കുടിക്കുന്നു, ചുംബിക്കുന്നു,
നുര കൈമാറുന്ന മേഘങ്ങളെപ്പോലെ.
മണ്ണിനടിയിൽ നീണ്ടുനിവർന്ന്
ഒരാൺകുട്ടിയും ഒരു പെൺകുട്ടിയും.
അവരൊന്നും മിണ്ടുന്നില്ല, ചുംബിക്കുന്നില്ല,
മൌനത്തിനു മൌനം അവർ കൈമാറുന്നു.
No comments:
Post a Comment