ബക്കെറെക്കിലെ ഒരു ജയിൽമുറിയിൽ
ചെമ്പടയിലെ ഒരു പട്ടാളക്കാരൻ
ഒരു പകൽ എന്നോടൊപ്പമുണ്ടായിരുന്നു
ഏതോ ജയിൽ ചാടി എത്തിയതാണയാൾ
ഏതു നിമിഷവും വാതിൽ തുറക്കാം
അയാളെ പുറത്തേക്കു പിടിച്ചുകൊണ്ടുപോകാം
മുറ്റത്തു വെടി വച്ചിടാം
മോസ്ക്കോവിലേക്ക്
ഏറ്റവുമെളുപ്പത്തിലുള്ള വഴി കാണിച്ചുകൊടുക്കാൻ
എന്നോടു പറയുകയാണയാൾ
തറയിൽ റൊട്ടിത്തുണ്ടുകൾ നിരത്തി
അയാൾക്കു കടന്നുപോകേണ്ട പട്ടണങ്ങൾ
ഞാൻ പണിതുകാണിച്ചു
അയാൾ വിരലു കൊണ്ട് ദൂരമളക്കുന്നു
കൂറ്റൻ കൈ കൊണ്ട് എന്റെ തോളത്തള്ളിപ്പിടിക്കുന്നു
അട്ടഹാസം കൊണ്ടു ജയിലാകെക്കുലുക്കുന്നു
നീ അകലെയല്ല എന്റെ സുന്ദരീ
No comments:
Post a Comment