വൃസാക്കിൽ യുദ്ധത്തിന്റെ തലേന്ന്
ഡെജാൻ ബ്രാങ്കോവ് എന്ന കവി വാടകവീടെടുത്തു
ഞങ്ങളുടെ വീടിനു തൊട്ടരികെ
ഞങ്ങളുടെ ഭാഗത്തെ ചുമരിൽ
ഒരേണി ചാരിവയ്ക്കണമെന്ന്
അച്ഛനോടു പറയാൻ
അദ്ദേഹം എന്നോടാവശ്യപ്പെട്ടു
ഏതു രാത്രിയും അദ്ദേഹം പ്രതീക്ഷിക്കുകയായിരുന്നു
കോൺസെന്ട്രേഷൻ ക്യാമ്പിലേക്കു തന്നെക്കൊണ്ടുപോകാൻ
അവരെത്തുമെന്ന്
തന്റെ പാർട്ടിക്കാരുടെ ഒരു സംഘത്തെ നയിച്ചുപോകുമ്പോൾ
അദ്ദേഹം കൊല്ലപ്പെട്ടിട്ടേറെക്കാലം കഴിഞ്ഞിട്ടും
ഏണി അതിന്റെ നിർദ്ദിഷ്ടസ്ഥാനത്തു തന്നെ നില്പുണ്ടായിരുന്നു
അതിന്റെ ചവിട്ടുപടികളിലൂടെ പിടിച്ചുകയറിയിരുന്നു
ഒരു കയ്പൻ മുന്തിരിവള്ളി
No comments:
Post a Comment