ക്രിസ്തുവേ,
നിന്നെ ഞാൻ സ്നേഹിക്കുന്നു,
ഒരു നക്ഷത്രത്തിൽ നിന്നു വന്നുവീണു
നീയെന്നതിനാലല്ല,
നീയെനിക്കു കാട്ടിത്തന്നു
മനുഷ്യനു ചോരയുണ്ട്,
കണ്ണീരുണ്ട്,
വേദനയുണ്ട്
എന്നതിനാൽ...
വെളിച്ചത്തിന്റെ അടഞ്ഞ വാതിലുകൾ തുറക്കാനുള്ള
താക്കോലുകൾ,
ആയുധങ്ങൾ!
അതെ, മനുഷ്യൻ ദൈവമാണെന്ന്
നീയെന്നെ പഠിപ്പിച്ചു,
നിന്നെപ്പോലെ തന്നെ ബലിയായ
ഒരു പാവം ദൈവം.
ഗോൽഗോത്തയിൽ നിനക്കിടതുവശം നില്ക്കുന്നവൻ,
ആ ദുഷ്ടനായ കള്ളൻ...
അവനും ഒരു ദൈവം തന്നെ!
No comments:
Post a Comment