മയക്കോവ്സ്കി - നീ

 

മുക്രയിടുന്ന
കൂറ്റൻ മൂരിയെക്കണ്ടു
നീ വന്നു-
ഒരു നോട്ടം കൊണ്ടു തന്നെ
നീയെന്നെ അളന്നു-
വെറും പയ്യൻ!
എന്റെ ഹൃദയം നീ പറിച്ചെടുത്തു,
എന്നിട്ടതും കൊണ്ടു നീ കളിക്കാൻ പോയി-
തട്ടിക്കളിക്കാനൊരു പന്തു കിട്ടിയ
പെൺകുട്ടിയെപ്പോലെ.
അവർക്കതൊരത്ഭുതമായിരുന്നു
-വീട്ടമ്മമാർക്കും നവയുവതികൾക്കും-
“ഇങ്ങനെയൊരുത്തനെ പ്രേമിക്കാനോ?
വെറുമിറച്ചിയും അലർച്ചയും മാത്രമാണവൻ!
നോക്ക്, അവൾക്കൊരു പേടിയുമില്ല!
സർക്കസ്സിൽ സിംഹത്തെ മെരുക്കുന്നവളായിരിക്കും!”
പക്ഷേ ഞാനാകെ സന്തോഷത്തിലായിരുന്നു.
എനിക്കിപ്പോൾ നുകത്തിന്റെ ഭാരമില്ല!
ആഹ്ളാദം കൊണ്ടു മതിമറന്നു ഞാൻ
തുള്ളിച്ചാടി,
ഒരു കാപ്പിരിപ്പുതുമണവാളനെപ്പോലെ.
എനിക്കത്ര സന്തോഷമായിരുന്നു,
എനിക്കത്ര ലാഘവമായിരുന്നു.
(1922)