എന്റെ മനസ്സിന്നുമൊരു വാക്കിനെ തിരഞ്ഞുപോകുന്നു-
മധുരിക്കുന്നൊരു വാക്കിനെ, വിഷലിപ്തമായൊരു വാക്കിനെ,
പ്രലോഭിപ്പിക്കുന്ന നേരത്തും ഭയപ്പെടുത്തുന്നൊരു വാക്കിനെ,
ചുണ്ടുകളിലൊരു ചുംബനം പോലെ പതിയുന്ന വാക്കിനെ,
ഒരു പ്രണയകടാക്ഷം പോലെ ത്രസിപ്പിക്കുന്ന വാക്കിനെ,
ഒരഗ്നിത്തിര പോലെ മകുടമെരിയുന്ന വാക്കിനെ.
ഒരു പ്രണയജീവിതത്തിനു നാന്ദി കുറിക്കുന്ന വാക്കിനെ,
പ്രചണ്ഡരോഷം കൊണ്ടാഞ്ഞുവീശുന്ന വാളായി
യാതനയുടെ നഗരങ്ങൾ തകർക്കുന്ന വാക്കിനെ.
ശ്മശാനരാത്രിപോലെ കറുത്തിരുണ്ടൊരു വാക്കിനെ,
ഉച്ചരിച്ചാൽ ചുണ്ടുകൾ കരിഞ്ഞുപോകുന്ന വാക്കിനെ.
No comments:
Post a Comment