കഠാരയാണെനിക്കു സമ്മാനിക്കുന്നതെങ്കിൽ
എന്റെ സ്നേഹിതാ, ഉറ നീ മറക്കരുതേ!
*
കത്തിയെടുത്തവരെക്കുറിച്ചിങ്ങനെ പറഞ്ഞു കേട്ടിരിക്കുന്നു:
കൈയെക്കാളുമവർക്കു വേണ്ടതു തലയായിരുന്നു.
*
നിങ്ങളുടെ കത്തിക്കു
കണ്ണുമില്ല, കാതുമില്ല;
അതിനുന്നം പിഴച്ചാൽ
കരയേണ്ടതു നിങ്ങൾ തന്നെ!
*
ദയവായൊന്നു നിന്നാലോചിച്ചാലും,
എന്റെ പിടിയിൽ കൈ മുറുക്കും മുമ്പേ!
*
നേരോ നുണയോ പറഞ്ഞെന്നെക്കളിയാക്കരുതേ-
ഫലിതബോധം തീരെയില്ലാത്തവരാണു കഠാരകൾ!
*
No comments:
Post a Comment