എനിക്കു നീ അരികിൽ വേണം,
എന്റെ കാമുകീ, എന്റെ ഘാതകീ, നീയെനിക്കരികിൽ വേണം,
ആകാശത്തിന്റെ ചോര കുടിച്ചും കൊണ്ടിരുണ്ട രാത്രിയെത്തുമ്പോൾ,
കസ്തൂരിമണവും വജ്രകഠാരങ്ങളുമായി,
ചിരിച്ചും കരഞ്ഞും പാടിയും തേങ്ങിയും
നോവിന്റെ കാൽത്തളകൾ കിലുക്കിയും കൊണ്ടവൾ വരുമ്പോൾ.
നെഞ്ചുകളിലാണ്ടിറങ്ങിയ ഹൃദയങ്ങൾ
പിടിച്ചുയർത്തുന്ന കൈകൾക്കായൊരിക്കല്ക്കൂടി മോഹിക്കുമ്പോൾ,
തേങ്ങലടങ്ങാത്ത കുഞ്ഞുങ്ങളെപ്പോലെ ചഷകങ്ങളിൽ മദിര നുരയുമ്പോൾ,
പറഞ്ഞതല്ല കേൾക്കുന്നതെന്നു വരുമ്പോൾ,
കൊതിച്ചതല്ല ചെയ്യാനുള്ളതെന്നു വരുമ്പോൾ,
വിലപിച്ചും മുഖം കറുത്തുമീയശുഭരാത്രിയിഴഞ്ഞെത്തുമ്പോൾ,
എന്റെ ഘാതകീ, എന്റെ കാമുകീ,
എനിക്കു നീ അരികിൽ വേണം.
1963
No comments:
Post a Comment