ഞാനെന്തു പറയാൻ, നമുക്കിടയിലുള്ളിടപാടിനെപ്പറ്റി?
കാണുന്നില്ല ഞാൻ, പ്രണയാഖ്യാനങ്ങളിലതിനു ചേരുന്നൊരുപമയും.
ആരൊക്കെ, എന്തൊക്കെ എഴുതിയിരിക്കുന്നു,
സംഗമാഹ്ളാദങ്ങളെപ്പറ്റി, വിരഹവേദനകളെപ്പറ്റി?
എന്റെ പ്രത്യേകമായ മാനസികാവസ്ഥ പക്ഷേ
ആരാലുമൊരിക്കലുമെഴുതപ്പെടാതെപോയി.
അഭാവവും സാന്നിദ്ധ്യവും കെട്ടുപിണയുന്ന ഈ പ്രണയം,
വർഷങ്ങളായി ഞാൻ കൊണ്ടുനടക്കുന്ന ഈ വേദന,
ആരുടെയും കണ്ണില്പെടാത്തൊരു നിഗൂഢപ്രണയം:
ഞാനതിനെ നെഞ്ചോടു ചേർത്തിട്ടു യുഗങ്ങളെത്ര കഴിഞ്ഞു!
No comments:
Post a Comment