എനിക്കിഷ്ടമല്ല പൂക്കളെ,
എന്നെയവയോർമ്മിപ്പിക്കുന്നതു ശവദാഹങ്ങളെ,
വിവാഹങ്ങളെ, നൃത്തവിരുന്നുകളെ.
മേശപ്പുറത്തവയുടെ സാന്നിദ്ധ്യം
അത്താഴത്തിനുള്ള ക്ഷണങ്ങളെ.
എന്നാൽ ബാല്യത്തിലെന്റെ സാന്ത്വനമായിരുന്നു
അല്പായുസ്സായ പനിനീർപ്പൂവിന്റെ തരളസൗന്ദര്യം.
അതത്രേ എനിക്കു ശേഷിച്ചൊരു പൈതൃകം,
പിന്നെ മൊസാർട്ടിന്റെ ചിരായുസ്സായ സംഗീതം.
No comments:
Post a Comment