നമ്മെ അസൂയപ്പെടുന്നവർ മാത്രമല്ല,
നമ്മെ വെറുക്കുന്നവർ മാത്രമല്ല,
നമ്മെ ഒതുക്കുന്നതും
നമ്മെ ഞെരുക്കുന്നതും.
നമ്മെ സ്നേഹിക്കുന്നവരും
അത്ര തന്നെ നമ്മെ ഒതുക്കുന്നു.
ദേവകളെനിക്കു തരുമാറാകട്ടെ,
സർവമമതകളിൽ നിന്നും മുക്തമായ,
ഇല്ലായ്മയുടെ ഉയരങ്ങളിലെ
തണുത്ത സ്വാതന്ത്ര്യം.
നിങ്ങൾക്കൊന്നും വേണ്ടെങ്കിൽ
നിങ്ങൾക്കെല്ലാമുണ്ടെന്നുതന്നെ.
ഒന്നും വേണ്ടാത്തവൻ,
അവൻ സ്വതന്ത്രൻ.
ഒന്നുമില്ലാത്തവൻ,
ഒന്നുമാശിക്കാത്തവൻ,
ദേവകൾക്കു തുല്യനവൻ,
മനുഷ്യനായിരിക്കെത്തന്നെ.
1930 നവംബർ 1
No comments:
Post a Comment