ഗെർട്രൂഡ്, ഡോറത്തി, മേരി, ക്ളാര, ആൽബർട്ടാ,
ഷാർലറ്റ്, ഡോറത്തി, റൂത്ത്, കാത്തീ, എമ്മാ,
ലൂസി, പെഗ്ഗി, ഫെറാൽ, ഹാരിയറ്റ്, സാറാ,
നഗ്നയായ ഫ്ളോറി, മാഗീ, ടൂട്സ്, തെൽമാ,
രാപ്പക്ഷികളേ, മഴപ്പക്ഷികളേ, അഗ്നിപ്പക്ഷികളേ,
തുടിയ്ക്കുന്ന നെഞ്ചുകളേ, പിടയ്ക്കുന്ന കൈകളേ, കാറ്റു പാറ്റുന്ന കണ്ണുകളേ,
നിങ്ങളെന്റെ കണ്ണിനു കാട്ടുന്നു, വെളിച്ചത്തിന്റെ ചലനങ്ങൾ;
നിങ്ങളാർജ്ജവത്തോടെ നോക്കുമ്പോളതു വസന്തത്തിന്റെ മോടികൾ,
അരക്കെട്ടുകളുലയുമ്പോളതു കാറ്റിലാടുന്ന പൂങ്കുലകൾ,
അപായപ്പെടുത്തുന്ന സാഹസങ്ങൾ, നിങ്ങളുടെയുടലുകൾ,
വാളിളക്കത്തിന്റെ പാളലുകൾ, നിങ്ങളുടെ പ്രണയം,
പ്രഭാതത്തിന്റെ വാഗ്ദാനം, നിങ്ങളുടെ നിറഞ്ഞ ചിരി.
എന്റെ സ്വപ്നങ്ങളുടെ ഭയാനകഗർത്തത്തിനു മേൽ നിങ്ങളുടെ നൃത്തം,
ഞാൻ വീഴുന്നു, ഒരു യുഗം നീളുന്നതാണെന്റെ പതനം,
നിങ്ങളുടെ കാൽച്ചുവടുകൾക്കടിയിൽ ഭൂമി വിശാലമാകുന്നു,
അത്ഭുതങ്ങളേ, നിങ്ങൾക്കരങ്ങായതാകാശത്തിലെ നീരുറവകൾ!
ഗെർട്രൂഡ് ഹോഫ്മാൻ (1885-1966) നേതൃത്വം നല്കിയിരുന്ന നൃത്തസംഘം
link to image
gertrude-hoffman-collection
No comments:
Post a Comment