പറുദീസയിലെനിക്കു തെല്ലും വിശ്വാസമില്ല,
ഉപദേശിയതിനെച്ചൊല്ലി വാചാലനാവട്ടെ;
എനിക്കിന്നു വിശ്വാസം നിന്റെ കണ്ണുകളെ മാത്രം,
അവയാണെനിയ്ക്കെന്റെ സ്വർഗ്ഗീയദീപങ്ങൾ.
മുകളിലൊരു ദൈവത്തിലെനിക്കു വിശ്വാസമില്ല,
ഉപദേശിയുടെ വണക്കങ്ങളദ്ദേഹത്തിനു കിട്ടട്ടെ;
എനിക്കിന്നു വിശ്വാസം നിന്റെ ഹൃദയത്തെ മാത്രം,
അതല്ലാതൊരു ദൈവവുമെനിക്കു വേണ്ട.
പിശാചുക്കളിലെനിക്കൊട്ടും വിശ്വാസമില്ല,
നരകത്തിലും, നരകത്തിന്റെ ആഭിചാരത്തിലും;
എനിക്കിന്നു വിശ്വാസം നിന്റെ കണ്ണുകളെ മാത്രം,
നിന്റെ പൈശാചഹൃദയത്തെ മാത്രം.
No comments:
Post a Comment