നീ ചെയ്തുതന്നതിനൊക്കെയും നന്ദി, ദൈവമേ!
വികാരത്തിന്റെ തീരാത്ത യാതനകൾക്കും,
വിഷം പുരണ്ട ചുംബനത്തിനും, പൊള്ളുന്ന കണ്ണീരിനും,
ശത്രുവിന്റെ പകയ്ക്കും, സ്നേഹിതന്റെ നിന്ദയ്ക്കും,
തടവറയിൽ വച്ചു തവിഞ്ഞുപോയ ആത്മാവിന്റെ ജ്വാലയ്ക്കും,
ജീവിതത്തിന്റെ ചാട്ടയടികൾക്കോരോന്നിനും,
ഞാനലഞ്ഞ തരിശുകളുടെ പേരിലും നന്ദി.
ഇനിയൊന്നു മാത്രം ചെയ്തുതന്നാലും ദൈവമേ,
അധികനാളെന്നെക്കൊണ്ടു നന്ദി പറയിക്കരുതേ!
(1840)
1 comment:
നന്ദി.
Post a Comment