മലകളിലിലകൾ തളിരിടും കാലം മുതൽ
പഴുക്കിലകളായവ കൊഴിയുന്ന കാലം വരെ
നിന്നോടൊത്തു കിടക്കണമെന്നു ഞാൻ പറഞ്ഞാൽ
നിനക്കെന്നോടെന്തു തോന്നും?
-മന്യോഷു
വീട്ടിനുള്ളിലിരുളിൽത്തന്നെ
നാമിരിക്കണോ,
പുറത്തു പുല്പരപ്പിൽ
നിലാവു വീണുതിളങ്ങുമ്പോൾ?
-മന്യോഷു
മലയിൽ
മുളയിലകളുരുമ്മുമ്പോൾ
ഞാനോർക്കുന്ന-
തിങ്ങില്ലാത്തൊരുവളെ.
*
പഴുക്കിലകൾ വീണുമറഞ്ഞു,
ശരൽക്കാലത്തെ മലമ്പാതകൾ;
ഞാനവളെ എങ്ങനെ കണ്ടെത്താൻ,
ഞാനറിയാത്ത വഴികളിലലയുന്നവളെ?
*
വീട്ടിനുള്ളിൽ ഞാനിരിക്കുന്നു
നമ്മുടെ മുറിയിൽ
നമ്മുടെ കിടക്കയിൽ
നിന്റെ മെത്തയും നോക്കി.
*
എന്റെ കാമുകനെക്കാത്തു
ഞാനിരുന്നു;
ആകാശഗംഗയിൽ
തുഴ വീഴുന്നതു കേട്ടും.
-കാക്കിനോമോട്ടൊ നോ ഹിതോമാരോ
2 comments:
നല്ല കവിതകള്‍ :-)
Fruitful Effort- Remarkable.
Post a Comment