ആകാശത്തിന്റെ ചുവട്ടിൽ...
ആകാശത്തിന്റെ ചുവട്ടിൽ- മേഘങ്ങൾ,
മലയുടെ ചുവട്ടിൽ- പുഴകൾ,
ആത്മാവിന്റെ ചുവട്ടിൽ- സ്വപ്നങ്ങൾ,
ദൈവത്തിന്റെ ചുവട്ടിൽ- വിലാപം,
മരത്തിന്റെ ചുവട്ടിൽ- തണൽ,
തണലിന്റെ ചുവട്ടിൽ- വിസ്മൃതിയും വിശ്രമവും,
വിസ്മൃതിയുടെ ചുവട്ടിൽ- മരണം,
മരണത്തിന്റെ ചുവട്ടിൽ- അഭയം.
വഴിയരികിലെ കുരിശിൽ...
വഴിയരികിലെ കുരിശിൽ ചേക്കയേറിയ
മലങ്കാക്കയെക്കാണുമ്പോൾ, തീർത്ഥാടകാ,
നിന്റെ ഹൃദയത്തിലുണരുന്ന വികാരങ്ങൾ,
അമർന്ന വേദനയുടെ, നഷ്ടബോധത്തിന്റെ.
മിഗ്വെൽ ദെ ഉനാമുനോ(1864-1936) - സ്പാനിഷ് കവി, നോവലിസ്റ്റ്, തത്വചിന്തകൻ
No comments:
Post a Comment