ഇതാണ്‌ വിശപ്പ്.
കണ്ണും തേറ്റയും മാത്രമായ ഒരു മൃഗം.
അതിന്റെ ശ്രദ്ധ തെറ്റിക്കാനാവില്ല,
അതിനെ കബളിപ്പിക്കാനാവില്ല.
ഒരു നേരത്തെ ആഹാരം കൊണ്ടതു തൃപ്തിപ്പെടില്ല.
ഒരുച്ചയൂണോ ഒരത്താഴമോ കൊണ്ടതിനു മതിയാവില്ല.
ചോര കുടിക്കുമ്പോലതു കാണിക്കും,
സിംഹത്തെപ്പോലതലറും,
പെരുമ്പാമ്പിനെപ്പോലതു ഞെരുക്കും,
മനുഷ്യനെപ്പോലതു ചിന്തിക്കും.
നിങ്ങളുടെ മുന്നിൽ നിൽക്കുന്ന ഈ സ്പെസിമൻ
ഇന്ത്യയിൽ നിന്നു പിടിച്ചതാണ്‌ (ബോംബേപ്രാന്തത്തിൽ നിന്ന്)
എന്നാൽ ഏറെക്കുറെ ഇതേ കിരാതാവസ്ഥയിൽ
മറ്റു പലേടത്തും ഇതിനെ കാണാവുന്നതേയുള്ളു.
പിന്നിലേക്കു മാറിനിൽക്കൂ.
(മൃഗശാല)
No comments:
Post a Comment