തന്നെയാണു പഴിയ്ക്കേണ്ടതെന്ന് ശവംതീനിക്കഴുകൻ ഒരിക്കലും പറയില്ല.
മനഃസാക്ഷിക്കുത്തിന്റെ അർത്ഥമെന്താണെന്ന് കരിമ്പുലിയ്ക്കറിയുകയേയില്ല.
സ്വന്തം പ്രവൃത്തികളിൽ ലജ്ജിക്കേണ്ടതായിട്ടെന്തെങ്കിലുമുണ്ടെന്ന് പിരാനായ്ക്കു തോന്നുകയുമില്ല.
പാമ്പുകൾക്കു കൈകളുണ്ടായിരുന്നെങ്കിൽ അവർ വാദിച്ചേനേ തങ്ങളുടെ കൈകൾ ശുദ്ധമാണെന്നും.
കുറ്റബോധമെന്താണെന്ന് കുറുനരിയ്ക്കറിയുകയില്ല.
സിംഹങ്ങൾക്കും പേനുകൾക്കും കാലിടറുകയെന്നതില്ല,
എന്തിനു കാലിടറണം, ശരിയായ വഴിയ്ക്കാണു തങ്ങളുടെ പോക്കെന്നവർക്കു തീർച്ചയാണെന്നിരിക്കെ?
കൊലയാളിത്തിമിംഗലങ്ങളുടെ ഹൃദയങ്ങൾ ഒരു ടൺ ഭാരം തൂങ്ങുമെങ്കിലും
വേറേ മാതിരി നോക്കിയാൽ തീരെ ലഘുവാണവ.
സൂര്യന്റെ ഈ മൂന്നാം ഗ്രഹത്തിൽ
മൃഗീയതയുടെ ലക്ഷണങ്ങളിൽ ഒന്നാമത്തേത്
തെളിഞ്ഞ മനഃസാക്ഷി തന്നെ.
പിരാനാ- മാംസം വെട്ടിവിഴുങ്ങുന്ന, കൂർത്ത പല്ലുകളുള്ള ആമസോൺ മത്സ്യം.
In Praise of Feeling Bad About Yourself
The buzzard never says it is to blame.
The panther wouldn't know what scruples mean.
When the piranha strikes, it feels no shame.
If snakes had hands, they'd claim their hands were clean.
A jackal doesn't understand remorse.
Lions and lice don't waver in their course.
Why should they, when they know they're right?
Though hearts of killer whales may weigh a ton,
in every other way they're light.
On this third planet of the sun
among the signs of bestiality
a clear conscience is Number One.
No comments:
Post a Comment