ഈഡിത്ത് സോഡെർഗ്രാൻ - സ്വന്തമുദ്യാനത്തിന്റെ പരിധി വിട്ടു പോകാത്തവളേ...

---

സ്വന്തമുദ്യാനത്തിന്റെ പരിധി വിട്ടു പോകാത്തവളേ,
അഴിയടിച്ച കാഴ്ചകളും കണ്ടൊരുനാളും നീ നിന്നിട്ടില്ല?
സ്വപ്നം കാണുന്ന പാതകൾക്കു മേൽ സായാഹ്നം നീലിക്കുന്ന-
തൊരിക്കലുമഭിലാഷത്തോടെ നീ കണ്ടുനിന്നിട്ടില്ല?

നീ നടന്നു പോകാത്ത പാതകൾക്കു മേൽ
ചോര പോൽ ചുവന്ന സൂര്യനസ്തമിക്കുമ്പോൾ
അഗ്നി പോലെ നിന്റെ നാവു പൊള്ളിച്ചതതല്ലേ,
ഭാവിയിൽ നീയൊഴുക്കേണ്ട കണ്ണീരിന്നുപ്പുചുവ?

---