1
ലോകത്തു ദൈവത്തിന്റെ കൈ
ശാബത്തിന്റെ തലേന്നു കൊന്ന കോഴികളുടെ കുടലിൽ
എന്റമ്മയുടെ കൈ പോലെ.
തന്റെ കൈകൾ ലോകത്തേക്കു നീളുമ്പോൾ
ജനാലയിലൂടെ ദൈവം കാണുന്നതെന്താവാം?
എന്റമ്മ കാണുന്നതെന്താവാം?
2
എന്റെ വേദന ഒരു മുത്തശ്ശനായിക്കഴിഞ്ഞിരിക്കുന്നു:
തന്റെ സ്വരൂപത്തിൽ രണ്ടു തലമുറകൾക്ക്
അതു ജന്മം നല്കിക്കഴിഞ്ഞിരിക്കുന്നു.
എന്റെയുള്ളിലെ ആൾക്കൂട്ടങ്ങളിൽ നിന്നുമകലെ
വെളുത്ത ഭവനപദ്ധതികൾക്കതു രൂപം നല്കിയിരിക്കുന്നു.
എന്റെ കാമുകി തന്റെ പ്രണയത്തെ മറന്നുവച്ചിരിക്കുന്നു
പാതയോരത്തൊരു സൈക്കിൾ പോലെ.
രാത്രി മുഴുവൻ, പുറത്ത്, മഞ്ഞത്ത്.
കുട്ടികൾ അടയാളപ്പെടുത്തുന്നു
എന്റെ ജീവിതത്തിന്റെ ഘട്ടങ്ങൾ,
ജറുസലേമിന്റെ ഘട്ടങ്ങൾ,
തെരുവിൽ ചന്ദ്രന്റെ ചോക്കുമായി
ലോകത്തു ദൈവത്തിന്റെ കൈ.
1 comment:
എന്റെ വേദന ഒരു മുത്തശ്ശനായിക്കഴിഞ്ഞിരിക്കുന്നു:
തന്റെ സ്വരൂപത്തിൽ രണ്ടു തലമുറകൾക്ക്
അതു ജന്മം നല്കിക്കഴിഞ്ഞിരിക്കുന്നു.
എന്റെയുള്ളിലെ ആൾക്കൂട്ടങ്ങളിൽ നിന്നുമകലെ
വെളുത്ത ഭവനപദ്ധതികൾക്കതു രൂപം നല്കിയിരിക്കുന്നു.
അതെ കാലങ്ങൾ നഷ്ട്പെടുന്ന വേദന ഒരു തിരിച്ചറിയലാണ്... നല്ല വിവർത്തനം
Post a Comment