റില്‍ക്കെ - ചിത്രകാരന്റെ ദൈവം

---

ഉഷസ്സുകൾക്കു ജന്മം നല്കുമരുണോദയമായവനേ,
സ്വേച്ഛ പോലെ നിന്നെയാലേഖനം ചെയ്യരുതു ഞങ്ങൾ.
അതേ പഴയ ചിമിഴുകളിൽ നിന്നു ഞങ്ങൾ വീണ്ടുമെടുക്കുന്നു
പണ്ടു വിശുദ്ധന്മാർ നിന്റെ മുഖം മറയ്ക്കാൻ തേയ്ച്ച
അതേ ചായങ്ങൾ, വരകൾ, പരിവേഷങ്ങളും.
കനത്ത ചുമരു പോലെ നിന്റെ മുഖം പൊതിയുന്നു
ഞങ്ങൾ വരച്ചുകൂട്ടിയ നിന്റെ രൂപങ്ങൾ;
തേടുന്ന ഹൃദയത്തിനു മുന്നിൽ നീ വെളിപ്പെടരുതെന്നതിനാൽ
ഭക്തിയുടെ കൂപ്പുകൈകൾ കൊണ്ടു നിന്നെ മറയ്ക്കുന്നു ഞങ്ങൾ.

---

ദൈവത്തിനുള്ള സ്നേഹഗീതങ്ങൾ

---

ചിത്രം- മിശിഹ- ആന്ദ്രെ റൂബ് ലെവ് (1360-1430)
link to image

---