ബോർഹസ്-അതിരുകൾ

എനിക്കോർമ്മ കിട്ടാത്തൊരു വരിയുണ്ട്, വെർലൈന്റെ,
എന്റെ കാലടികൾ മൊഴി ചൊല്ലിയൊരു തെരുവുണ്ട്, അരികെത്തന്നെ,
എന്നെയൊടുവിൽക്കണ്ടൊരു കണ്ണാടിയുണ്ട്,
ലോകാവസാനം വരെയ്ക്കുമായി ഞാൻ കൊട്ടിയടച്ചൊരു വാതിലുണ്ട്,
എന്റെ പുസ്തകശേഖരത്തിനിടയിൽ (ഞാനതു വില്ക്കാനും പോവുകയാണ്‌)
ഞാനിതേവരെ തുറന്നുനോക്കാത്തൊരു പുസ്തകമുണ്ട്,
ഈ വേനല്ക്കെനിക്കു പ്രായം അമ്പതാകും,
കരളലിവില്ലാത്ത മരണം എന്നെ കാർന്നെടുക്കുകയുമാണ്‌.


link to image