പേടി തോന്നുംമട്ടെങ്ങനെ മാറിപ്പോയെന്റെയുടൽ,
യാതനകളേറെക്കുടിച്ച ചുണ്ടുകളെങ്ങനെ മാറിപ്പോയി!
ഞാൻ കൊതിച്ചതിതുമാതിരിയൊരു മരണമല്ല,
ഈയൊരു നാളല്ല വരുമെന്നു ഞാൻ കരുതിയതും.
ആകാശത്തിന്നുന്നതങ്ങളിലെവിടെയോ
ചണ്ഡമേഘങ്ങളൊന്നിനോടൊന്നു വന്നിടിയ്ക്കും,
ഒരിടിമിന്നലിന്റെ പാളലും അമിതാനന്ദത്തിന്റെ ഗാനവും
മാലാഖമാരെപ്പോലിറങ്ങിവരുമെന്നും ഞാൻ കരുതി.
1913
No comments:
Post a Comment