എന്റെ ജനാലയിൽ തൂങ്ങിയാടുന്നതെത്രയെത്ര കുരിശുകൾ!
ഓരോന്നിലും തറഞ്ഞുകിടപ്പുണ്ടതാതിന്റെ മിശിഹാക്കൾ.
ഓരോ മിശിഹായും കരഞ്ഞുവിളിക്കുകയാണവനവന്റെ ദൈവത്തെ!
ഒരു കുരിശിൽ ബലി കൊടുത്തതു വസന്തകാലമേഘത്തെ,
ഇനിയൊന്നിൽ നിലാവിന്റെ വെള്ളി ചുറ്റിയ ചന്ദ്രനെ,
മൂന്നാമതൊരു കുരിശിൽ ഇല തഴച്ച പൂമരത്തെ,
ഇനിയുമൊന്നിൽ കൊല കൊടുത്തതു പുലർകാലത്തെന്നലിനെ.
ഓരോ നാളുമെന്റെ തടവറയിലവ ചോരയൊഴുക്കുന്നു,
സത്യത്തിന്റെ, സൌന്ദര്യത്തിന്റെ, പ്രണയത്തിന്റെ പ്രതീകങ്ങൾ.
പിന്നെയോരോ നാളുമെന്റെ കണ്മുന്നിലുയർത്തെഴുന്നേൽക്കുന്നു,
കുരിശേറി ജീവൻ വെടിഞ്ഞ രക്തസാക്ഷികളുടെയുടലുകൾ.
(മോൺഗോമറി ജയിൽ, 1954 ഡിസംബർ)
No comments:
Post a Comment