ആദ്യമൊരു ബാല്യം, അതിരറ്റതും ലക്ഷ്യഹീനവും,
ഹാ, ബോധശൂന്യമായ മാധുര്യം.
പിന്നെപ്പൊടുന്നനേ, ഭീതികൾ, വിലക്കുകൾ, പഠനമുറികൾ, അടിമത്തം,
പതനത്തിന്റെ പ്രലോഭനം, നഷ്ടബോധവും.
പിന്നെയവൻ ധിക്കരിക്കുന്നു. മുട്ടുകുത്തിയ ശിശു മുട്ടുകുത്തിക്കുന്നു,
ഒരിക്കൽ താൻ കുടിച്ച കയ്പ്പുനീരവനന്യരെക്കുടിപ്പിക്കുന്നു.
ഇഷ്ടൻ, ശത്രു, രക്ഷകൻ, വിജയി,
അവൻ പക വീട്ടുന്നു, വഴിയ്ക്കു വഴിയെ.
ഒടുവിലൊറ്റയ്ക്കതിരു കാണാത്ത, തണുത്ത പാഴ്നിലത്തിൽ.
എന്നിട്ടും മുതിർന്ന ഹൃദയത്തിനടിയിൽ ശേഷിക്കുന്നു
ആദ്യത്തെ, പണ്ടത്തെ ലോകത്തിനായൊരു മോഹം.
പിന്നെ, പതിയിരിക്കുന്നിടത്തു നിന്നു ചാടിവീഴുന്നു-ദൈവം.
ചിത്രം-ഹെന്റി റൂസ്സോ
No comments:
Post a Comment