എനിക്കു ജന്മം തന്ന തമസ്സേ,
ലോകത്തിനതിരിടുന്ന അഗ്നിയെക്കാൾ
എനിക്കിഷ്ടം നിന്നെ:
താൻ തിളക്കുന്ന വൃത്തത്തിലൊതുക്കുന്നു
വെളിച്ചം നിങ്ങളെ,
അന്യർക്കദൃശ്യനാക്കുന്നു നിങ്ങളെ.
അന്ധകാരം പക്ഷേ, തന്നിൽ സഞ്ചയിക്കുന്നു സർവതും:
രൂപങ്ങൾ, നാളങ്ങൾ, ജീവികൾ, പിന്നെ ഞാൻ,
ജനതകൾ, രാഷ്ട്രങ്ങളും.
എനിക്കരികില് സ്പന്ദിക്കുന്നതൊരു മഹനീയസാന്നിദ്ധ്യമെ-
ന്നെനിക്കു ഭാവനയും ചെയ്യാം.
എനിക്കു വിശ്വാസം രാത്രികളെ.
No comments:
Post a Comment