കീർത്തിച്ചു കീർത്തിച്ചവർക്കു ചുണ്ടുകൾ കഴച്ചിരിയ്ക്കുന്നു,
വിളുമ്പുകളില്ലാത്തതാണവരുടെ സുതാര്യമായ ആത്മാക്കളും.
ചിലനേരമവരുടെ സ്വപ്നങ്ങളിൽ നിഴലു വീഴ്ത്തുന്നു
അടങ്ങാത്തൊരു ദാഹം ( പാപം ചെയ്യാനെന്നപോലെ).
അവരൊരാളൊരാളെപ്പോലെ,
ദൈവത്തിന്റെയുദ്യാനത്തിലവരുലാത്തുന്നു
അവന്റെ ഗംഭീരഗാനത്തിലെ
നിരവധിനിരവധിയന്തരങ്ങൾ പോലെ.
ചിലനേരമവർ ചിറകെടുക്കുമ്പോൾ
ചണ്ഢവാതങ്ങൾ പിടഞ്ഞെഴുന്നേൽക്കുന്നു,
പെരുന്തച്ചൻദൈവത്തിന്റെ തഴമ്പിച്ച വിരലുകൾ
ഉൽപ്പത്തിപ്പുസ്തകത്തിന്റെ ഇരുണ്ട താളു മറിയ്ക്കും പോലെ.
No comments:
Post a Comment