സൂര്യനൊരഗ്നിഗോളം...
സൂര്യനൊരഗ്നിഗോളം,
ചന്ദ്രനൊരു ധ്രൂമ്രഫലകം.
നൂറെത്തിയ നെടിയ സൈപ്രസ്
ഒരു വെണ്മാടപ്രാവിനു ചേക്കമരം.
വാസനക്കൊളുന്തുകളുടെ ചതുരത്തടങ്ങൾ
പൊടിയടിഞ്ഞു മങ്ങിയ സൂര്യപടങ്ങൾ പോലെ.
ഒരുദ്യാനം, പ്രശാന്തമായൊരപരാഹ്നം...
ഒരു വെണ്ണക്കൽത്തൊട്ടിയിൽ കുമിളയിടുന്ന ജലധാര.
ഇരുണ്ട സൈപ്രസ് മരങ്ങൾക്കു പിന്നിൽ...
ഇരുണ്ട സൈപ്രസ് മരങ്ങൾക്കു പിന്നിൽ
ചോരച്ചൊരസ്തമയത്തിന്റെ കനലുകൾ പുകയുന്നു...
നിഴലടഞ്ഞ വള്ളിക്കുടിലിൽ
ഒരു ജലധാരയ്ക്കു മേൽ
ചിറകു വച്ച കാമദേവന്റെ നഗ്നരൂപം
മൗനസ്വപ്നത്തിൽ.
വെണ്ണക്കൽത്താമ്പാളത്തിൽ
തളം കെട്ടുന്ന വെള്ളം.
No comments:
Post a Comment