മെനാൻഡർ - ചിതാലേഖം

---

താനിതാരെന്ന സംശയമാണു നിങ്ങൾക്ക്‌?
ചുറ്റിനടക്കുമ്പോൾ ചുറ്റുമുള്ള ശവമാടങ്ങളുമൊന്നു നോക്കൂ;
അവയിൽക്കിടപ്പുണ്ടെലുമ്പുക,ളെളിമപ്പെട്ടവ,
കാറ്റൊഴിഞ്ഞ പൂഴിമൺതരികളും;
പ്രഭുക്കൾ, സമ്രാട്ടുകളെന്നു കേൾവിപ്പെട്ടവരാണവർ,
മഹാമനസ്സുകൾ, മഹാബലികൾ, കുബേരന്മാരുമാണവർ.
ഉടലിന്റെ പുഷ്കലയൗവനവും
പേരാളുന്ന കീർത്തിയും സ്വന്തമായിരുന്നവരാണവർ.
കാലത്തെത്തടുക്കാനാവതുള്ള പരിചയായില്ലവയൊന്നും.
ഒന്നു നോക്കിനിൽക്കൂ,
ജീർണ്ണിപ്പിന്റെ രീതിയേതുവിധമെന്നൊന്നു കണ്ടുനോക്കൂ.
കണ്ണു തുറന്നൊന്നു നോക്കൂ,
താനിതാരെന്നു കണ്ണു കൊണ്ടു കണ്ടറിയൂ.

---

(ക്രി.മു 342-291)

link to menander

---