പുഷ്കിൻ - നിന്നെ സ്നേഹിച്ചിരുന്നു ഞാനൊരിക്കൽ...

---

ഒരിക്കൽ നിന്നെ ഞാൻ സ്നേഹിച്ചിരുന്നു,
അതിന്റെ കനലിനിയുമണഞ്ഞിട്ടില്ലെന്നു വരാം;
അതുകൊണ്ടു പക്ഷേ, നിന്റെ ഹൃദയമെരിയരുത്,
ഇനി നിനക്കു ഞാനൊരു നൊമ്പരമാവുകയുമരുത്.

ഞാൻ സ്നേഹിച്ചതാശകെട്ടും നാവിറങ്ങിയുമായിരുന്നു,
അസൂയയോടെയും സങ്കോചത്തോടെയുമായിരുന്നു;
ഇനി മറ്റൊരാൾ നിന്നെ സ്നേഹിക്കുമാറാകട്ടെ,
അതേയാർദ്രതയോടെ, അതേ ആർജ്ജവത്തോടെ.

---