നീലാകാശത്തൊരു ഹരിതമേഘം കാൺകെ
എന്റെ മനസ്സിലേക്കോടിയെത്തുന്നു
നനവൂറുന്ന രണ്ടു കരിമഷിക്കണ്ണുകൾ,
അധരങ്ങളാർദ്രങ്ങൾ,
പിരിയുമ്പോൾ തല കുമ്പിട്ടു മൗനമായൊരു നോട്ടവും...
നീലാകാശത്തൊരു ഹരിതമേഘം കാൺകെ.
മഴ കൊട്ടിച്ചൊരിയുന്നു,
മിന്നൽ പാളിമറയുന്നു,
കാട്ടിൽ കാറ്റിന്റെ ഗാനപ്രലാപവും.
ആത്മാവിലെങ്ങോ തങ്ങിനിൽക്കുന്നു
ഒരു വിലാപത്തിന്റെ തേങ്ങലുകൾ,
നെഞ്ചിനുള്ളിലലതല്ലുന്നു
ആരെന്നറിയാത്തൊരു സ്വരം.
നീലാകാശത്തൊരു ഹരിതമേഘം കാൺകെ.
(കല്പന –1900)
No comments:
Post a Comment