പ്രാണന്റെ പ്രാണനെടുത്തും
നാം കൊതിക്കുമൊരു ചുംബനം:
ഉടലിലാത്മാവിന്റെ സ്പർശനം.
മുത്തിനോടു യാചിക്കുന്നു കടൽവെള്ളം:
ചിപ്പി തകർത്തു പുറത്തു വരൂ.
ലില്ലിപ്പൂവിനുമെന്തു ദാഹം,
ഒരു കള്ളക്കാമുകന്റെ കൈകൾക്കായി!
രാത്രിയിൽ ഞാൻ ജനാല തുറന്നിടും,
ചന്ദ്രനെ ഞാൻ മാടിവിളിയ്ക്കും:
നിന്റെ മുഖമെന്റെ മുഖത്തൊന്നമർത്തൂ.
ആ പ്രാണനിശ്വാസമൊന്നു പകരൂ.
ഭാഷയുടെ വാതിലടയ്ക്കൂ,
പ്രണയത്തിന്റെ ജനാല തുറക്കൂ.
വാതിൽ വഴി വരില്ല ചന്ദ്രൻ,
അവൻ വരുന്നതു ജനാല വഴിയേ.
No comments:
Post a Comment