ഈ അകത്തിനൊരു
പുറമെവിടെ?
ഏതു മുറിവിന്റെ നോവിനു മേൽ വയ്ക്കും നിങ്ങൾ
ഈ സാന്ത്വനത്തിന്റെ ദളങ്ങൾ?
ഈ മലർക്കെത്തുറന്ന പനിനീർപ്പൂക്കളുടെ ഒറ്റക്കടലിൽ
മുഖം നോക്കുന്നതേതു മാനം?
കെട്ടുപാടുകളില്ലാതൊഴുകുന്നവ, നോക്കൂ,
എത്ര വിശ്ളഥമാണവയുടെ ശൈഥില്യം?
വിറക്കൊണ്ടൊരു കൈയാലും
കുലുങ്ങില്ല, തുളുമ്പില്ലവയെന്നപോലെ.
സ്വയമൊതുങ്ങാതവ കവിയുന്നു,
വലയം ചെയ്യുന്ന നാളുകളിലേക്കവയുടെയകമൊഴുകുന്നു,
അങ്ങനെയങ്ങനെയൊരു മുഴുവേനലൊരു മുറിയിൽ നിറയുന്നു-
സ്വപ്നദർശനം ചെയ്തൊരു മുറിയിൽ.
link to image
No comments:
Post a Comment