കുളിരുന്ന തെന്നലിനെ
വരികളിലാവർത്തിക്കുന്ന കവിത,
വേനൽ, പാടങ്ങൾക്കു മേൽ,
ആളൊഴിഞ്ഞും വെയിലു വീണും
ആത്മാവിന്റെ നടുമുറ്റം...
ഇനി ഹേമന്തമാണെങ്കിൽ
അകലെ മഞ്ഞു വീണ മലനിരകൾ,
പകർന്നുകിട്ടിയ കഥകൾ പാടി
തീയും കാഞ്ഞു നാമിരിക്കുമിടം,
ഇതൊക്കെപ്പറയാനൊരു കവിതയും...
ഇതൊക്കെപ്പറയാനൊരു കവിതയും...
ഒന്നുമല്ലിവയെങ്കിൽക്കൂടി
ഇതിലുമേറെയാനന്ദങ്ങൾ കൊണ്ടു
ദേവകൾ നമ്മെയനുഗ്രഹിക്കാതിരിക്കട്ടെ,
ഇതിലുമധികം ആഗ്രഹങ്ങളില്ലാതിരിക്കാനും
ദേവകൾ നമ്മെയനുഗ്രഹിക്കട്ടെ.
(1921 ജനുവരി 21)
റിക്കാർഡോ റെയിസ് എന്ന അപരനാമത്തിൽ എഴുതിയത്
No comments:
Post a Comment