പോൾ എല്വാദ് - ചടുലഗാനം

---

മുന്നിലേക്കു ഞാൻ നോക്കി
തിരക്കിനിടയിൽ നിന്നെ ഞാൻ കണ്ടു
ചോളപ്പാടത്തു നിന്നെ ഞാൻ കണ്ടു
മരത്തിനടിയിൽ നിന്നെ ഞാൻ കണ്ടു

എന്റെ യാത്രകൾക്കൊടുവിൽ
എന്റെ യാതനകളുടെ ഗർത്തങ്ങൾക്കടിയിൽ
ഓരോ പുഞ്ചിരിയുടെയും തിരിവിനുമപ്പുറം
ജലത്തിൽ നിന്നും അഗ്നിയിൽ നിന്നുമുയരുന്നതായി

വേനലിലും മഞ്ഞിലും നിന്നെ ഞാൻ കണ്ടു
എന്റെ വീട്ടിലെവിടെയും നിന്നെ ഞാൻ കണ്ടു
എന്റെ കൈകളിൽ നിന്നെ ഞാൻ കണ്ടു
എന്റെ സ്വപ്നങ്ങളിൽ നിന്നെ ഞാൻ കണ്ടു

നിന്നെ ഞാൻ പിരിയുകയെന്നതില്ല.

---

Air Vif

I looked before me
In the crowd I saw you
Among the corn I saw you
Under a tree I saw you
After all my travels
At the bottom of all my torments
At the turn of all the laughs
Out of the water and fire
Summer winter I saw you
In my house I saw you
In my arms I saw you
In my dreams I saw you
I will never leave you.

---

link to image

---